Альянс Грамадзянская Гарадзеншчына
BlrБеларуская
Праграмы Медыі пра нас Распавесці ідэю/праблему Партнёры Форум Кантакт
Навіны
Пятніца, Сакавік 10, 2017
|
Галоўныя навіны, Гарады, Гродна, Навіны
Праглядаў: 157

«Дыялёгу не было, абмяняліся думкамі», — гарадзенскія ўлады ўпершыню за 20 гадоў сустрэліся з апазыцыяй

Нягледзячы на заяўленую тэму — абмеркаваньне дэкрэту № 3 — чыноўнікі, паводле кіраўніка гарадзкой арганізацыі партыі БНФ Вадзіма Саранчукова, распавядалі галоўным чынам пра тое, як разьвіваецца горад. Журналістаў на паседжаньне не пусьцілі. Канкрэтных вынікаў ад сустрэчы апазыцыянэры пакуль ня бачаць.

grodno-ploscha

Прадстаўнікі апазыцыі данесьлі да ўладаў свае патрабаваньні, якія сфармулявалі напярэдадні: поўная адмена дэкрэту № 3; забесьпячэньне канстытуцыйнага права на свабоду сходаў і мітынгаў; спыненьне перасьледу грамадзянаў з палітычных матываў.

Вадзім Саранчукоў

Вадзім Саранчукоў

— Насамрэч ніякага канкрэтнага адказу на нашы пытаньні мы не пачулі. Былі нейкія дзяжурныя слоўцы кшталту: добра, што мы сабраліся і размаўляем, мы хочам ад вас атрымаць нейкія прапановы, мы гатовыя сустракацца. Але нічога канкрэтна пра тое, чаму больш за 10 гадоў у горадзе не дазваляецца праводзіць масавыя мерапрыемствы. Што датычыць перасьледу грамадзян і складзеных пратаколаў за 19 лютага, пракурор патлумачыў, што ўсе пратаколы, згодна з законам, будуць разгледжаныя ў судзе і ніхто не зьбіраецца іх адмяняць.

На сёньняшні дзень практычнага выніку (акрамя таго, што сустрэча адбылася і нібыта зафіксаваная дэклярацыя аб намерах) я пакуль ня бачу.

Прадстаўнік Партыі камуністаў Беларусі Павал Станеўскі зазначыў Свабодзе, што ўладу прымусіла да дыялёгу сытуацыя, якая склалася ў краіне ў сувязі з дэкрэтам № 3. Улады, паводле яго, у гэтай сытуацыі разгубіліся, паколькі людзі выйшлі на вуліцу не з прычыны таго, што іх падштурхоўвала апазыцыя, а накіроўвала на гэта сама праблема.

Павал Станеўскі

Павал Станеўскі

— Цяпер яны хочуць знайсьці выйсьце з гэтай сытуацыі і заклікаюць апазыцыю, каб мы не выводзілі людзей на вуліцу. Але мы ім патлумачылі, што гэта праблема ўлады, паколькі яна сама яе стварыла. І гэта непасрэдна ляпсус прэзыдэнта, паколькі гэта ягоная прэрагатыва выпускаць дэкрэты. У нас дыялёгу, па-сутнасьці, не атрымалася, паколькі вельмі палярныя пазыцыі: яны настойваюць на тым, каб дэкрэт не адмяняць, а нейкім чынам прыгладзіць — з тым, каб ня страціць сваё аблічча; а мы лічым, што дэкрэт трэба адмяніць. Я нават спрабаваў задаваць пытаньне пра мэты дэкрэту, але ніхто з уладных людзей выразна пра гэта нічога ня мог сказаць.

У сустрэчы з гарадзенскімі гарадзкімі ўладамі з боку апазыцыі ўзялі ўдзел сябры БНФ, АГП, БСДГ, «Гавары праўду», прадстаўнік незалежнага прафсаюза РЭП і праваабаронцы.

svaboda.org 

Беларусь,Гарадзеншчына,Гародня,грамадства,права чалавека,права человека
контакте
Зачыніць
Перадрукоўка дазваляецца толькі пры выкарыстаньні гіпэрспасылкі на civilhrodna.org. © 2014-2017 «Альянс Грамадзянская Гарадзеншчына»